Великий князь Ярослав Всеволодович

Документы. Официальная биография

Русские летописи о князе Ярославе Всеволодовиче

В лето 6698 (1190). Родися у благоверного князя Всеволода сын месяца февраля 8 день, на память пророка Захариа, и нарекоша в святом крещении Феодор, и тогда сущую князю великому в Переяславли в полюдь.

В лето 6702 (1194). Быша постриги у благоверного князя Всеволода сына Юрьева сыну его Ярославу, месяца априля в 27 день, на память святого Симеона при блаженном епископе Иоанне и бы радость велика в граде Володимири.

В лето 6703 (1195). Великий князь Всеволод заложи град Переяславль.

В лето 6708 (1200). Иде Святослав сын Всеволож, внук Юрьев, княжить Новугороду месяца декабря в 14 день на память старца великомученника Спиридона, брата же проводиша и с честью Констянтин, Юрий, Ярослав, Володимир и бы радость велика в граде Во-лодимире.

В лето 6709 (1201). Посла Всеволод сына своего Ярослава в Переяславль-Русский на стол прадеда своего и деда, августа 3, тогда бяше князь великий в Переяславле Залесском с детми своими в полюдьи.

В лето 6712 (1204). Ходиша Рустии князи на половцы Рюрик Киевский, Ярослав Переяславский, великого князя Всеволода сын, Роман Галицкий и Мстислав и инии князи, бысть же тогда зима люта, и половцам бысть тегота велика, и взяша Рустии князи вежи их и полон много, и стада их забраша и возвратишася во своя си с полоном многим.

В лето 6713 (1205). На зиму великий князь Всеволод ожени сына своего Ярослава и приведоша за ны Юрьевну Кончаковича.

В лето 6715 (1207). Прииде Ярослав из Русского Переяславля с женою своею в Володимер Суждальский к отцу своему, великому князю Всеволоду, княжи в Руси лет 7.

В лето 6717 (1209). Посла Всеволод сына своего Ярослава на стол в Резань. Того же лета седящу Ярослав Всеволодович в Рязани, и бысть ему весть, яко хотят и няти резанцы. Слышав же се Ярослав и посла к великому князю Всеволоду, к отцу своему в Владимир, поведа беду свою. Слышав же се, великий князь Всеволод поиде вскоре к Резаню с дружиною своею, а полком по себе повелел пойти, и тако пришед пожже Резань всю, и иных городов много пожгоша, и села все повоева-ша, и, сотворив землю их пусту, поймав люди вси, и иде к Володимирю и разосла их по своим городам.

В лето 6751 (1213). Преставися благоверный и христолюбивый великий князь Всеволод сын Гюргев, внук Владимира Мономаха, месяца априля в 16 день. Тогда же в животе своем розда волости детем своим большему Констянтину Ростов, а потом Гюрпо Владимир, Ярославу — Переяславль, Володимеру — Гюргев.

Гюрги же, веда непокорство брата своего Констян-тина и другого Владимира, призвав к собе Ярослава и рече ему: «Брате Ярослав, аще пойдет на мя Констянтин или Володимир, буди ты с мною в помощь мне. Пакы ли на тя пойдет, то аз по тебе в помощь буду». Ярослав рече тогда: «Вельми, брате, тако буди». И тогда Ярослав целовав крест с братом Гюргем, и еха в Переяславль, месяца априля в 18 день, и созвав вси переяславци к святому Спасу, и рече им: «Братия переяславцы, се отец мои иде к богови, а вас удал мне, а меня вдал вам на руце. Да рците ми братия, аще хощете мя имети собе, яко же вместо отца моего, и головы своя за мя сложити?» Они же вси тогда рекоша: «Велми, господине, тако буди. Ты наш господин, ты Всеволод». И целоваша к нему вси крест. И тако седе Ярослав в Переяславли на столе, идеже родися.

В лето 6722 (1214). Ведена бысть Ростислава из Новгорода, дщи Мстиславля Мстиславича, за Ярослава, сына великого князя Всеволода, в Переяславль Суждальский.

В лета 6273 (1215). Новгородцы выгнаша от себе Мстислава Мстиславича и Ярослава Всеволодовича приведоша к себе на стол.

Ярослав князь засяде Торжок, а гости боле 2000 исковав посади. Того же лета в Новегороде глад бысть. Тогда Мстислав Мстиславич слышав то зло, выехав Новгород и целоваша крест за едино и поиде с нового-родцами на зятя своего Ярослава. И Ярослав выводе свою волость из Переяславля, Владимира с полки Юрия и Святослава. И ста Ярослав с братиею у Юрьева на реце Хзе. Мстислав и Костянтин и два Владимира с новогородцы к Юрию — кланяемся, нету нам обиды с тобою, обида нам с Ярославом, пусти мужи наши и волость отпусти, а мир с нами елми, а крови не проливай. Отвечаше же: не хощем мира, а мужи у мене, а далей шли есте и вышли есте акы рыба на сухо. И новогородцы сшедши с конь и порты пометаша без сапог боси и поидоша брат на брата, отцы на сыны, сыны на отцы, раби на господу, и бысть побоище зло априля 21 и победи Мстислав Ярослава и побеже Ярослав и паде Ярославлих без числа, а иных изымаша.

Воздвиже котору диавол меж братии князем Констянтином, Юрьем, Ярославом, и бысть бои меж ими у Юрьева, и одоле князь Костянтин, и сяде Костянтин во Володимери, а Юрьи в Суздали, и умирися с ними меж себе.

В лето 6726 (1218). Преставися христолюбивый великий князь Констянтин сын Всеваолож, внук Гюргев, правнук Владимира Мономаха. Слышав же Гюрги и Ярослав и вся братия его вскоре съехашася в Володимир и плакаша по нем плачем вельим.

В лето 6731 (1223). Всеволод Юрьевич ушёл из Новгорода к отцу своему во Владимир, а новгородцы призвали к себе на княжение Ярослава Всеволодовича из Переяславля.

В то же лето пришли народы, о которых никто точно не знает, кто они, и откуда появились, и каков их язык, и какого они племени, и какой веры. И называют их татары.

В лето 6734 (1226). Того же лета воеваша литва Новогородскую волость и много зла сотвориша Новуго-роду, и около Торопца, и около Смоленска, и до Пол-теска. И слышав князь Ярослав Всеволодович иде на них; Ярослав победи литву и много их изби, а князя их изыма, а полон весь отнял, а оттоле иде Ярослав в Новгород княжити.

В лето 6735 (1227). Ярослав Всеволодович послав крестити множество корел, мало не вси люди.

В лето 6738 (1230). Новгородцы по Ярослава по-слаша на всей его воли.

В лето 6740 (1232). Ярослав же и Константиновичи идоша к Серенску, град пожгоша, ино же много воеваша, возвратишася во своя си.

В лето 6742 (1234). Биша литву на Добровне Ярослав с новгородцы и убиша ту Федю Якуновича.

В лето 6745 (1237). Поплени царь Батый много Русския земли. И нет ни одного места, и мало таких деревень и сел, где бы ни воевали татары на Суздальской земле. Взяли они в один месяц четырнадцать городов. Тогда убиша великого князя Юрия да Василка.

Яко же избави праведного Ноя, наследника миру, от вселенского потопа, и Лота от содомского пожжения, тако защити преблагий Бог и сего наследника Русского, возлюбленного своего верного правителя, державного Ярослава Всеволодовича, ему же тогда в нашествие Батыево прешедшю ис Киева в Великий Новград, с ним же бяху и боголюбивая его супружница и благородные чада и прочий ближний ему. И тамо Богом снабдеваемы бяху от озлобления татарска.

В лето 6746 (1238). Ярослав, сын великого Всеволода, седе на столе во Владимире. И была радость велия Христианом, их же избави Бог от безбожных татар. И начал князь творить суд, как говорит пророк: «Боже, даруй царю твой суд, и сыну царя твою правду — да судит праведно людей твоих и нищих твоих на суде». И потом он утвердился на своем честном княжении. В тот же год великий князь Ярослав отдал Суздаль брату своему Святославу. В тот же год было мирно.

В лето 6747 (1239). Великий князь Ярослав Всеволодович повеле принести тело брата своего, великого князя Юрия из Ростова в Володимер.

Того же лета князь великий Ярослав ходи на Литву ратиею, смольнян бороня.

В то же лето Ярослав выступил в поход из Смоленска против литвы, и победил литву, а князя их взял в плен. Тогда было смятение большое по всей земле, и сами люди не знали, кто куда бежит.

В то же лето татары взяли Чернигов.

В лето 6748 (1240). У Ярослава родилась дочь и была названа при святом крещении Марией.

В то же лето взяли татары Киев.

В лето 6749 (1241). У Ярослава родился сын и был назван при святом крещении Василием. В то же лето татары победили венгров.

В лето 6750 (1242). Посла князь великий Ярослав сына своего князя Андрея в Великий Новгород, в помощь сыну своему Александру на Немцы. Приидоша Немци к Новугороду, и князь Алескандр с братом своим князем Андреем и с новогородцы стретишася с ними на Ладожском озере, и бысть бой велик, и побиша князь Александр немец, а иных руками яша, а князь Андреи возвратился к отцу своему с честию великой.

Того же лета приидоша Татарове в Суздаль к князю Ярославу Всеволодовичу, взяша его к царю Батыю.

В лето 6751 (1243). Великий князь Ярослав поеха в Татаровы к Батыеви, а сына своего князя Константина посла к канови. Батый же князя Ярослава почтив дасть ему великое княжение и старейшинство над Русскими князьми и отпусти его на Русь. Того же лета прииде князь великий Ярослав ис Татар в землю свою честно и славно, и бысть радость в Русской земле велика. И много пришельцев утеши и множество людей собра. Сами прихожаху к нему в Суждальскую землю от славные реки Днепра и от всех стран Русские земли: галичане волынскии, кияне, черниговцы, переяславцы и славные киряне, торопчане, меняне, мещижане, смольняне, полочане, муромцы, рязаньцы и вси подражаху храбрости его и обевахуся ему живот свой полагати за избаву християнскую; и тако множахуся и всяким богачеством исполяхуся; и бысть необычной скорби радость велия християном и благодарствоваху Бога, преспевающе во благочестии.

В лето 6753 (1245). Великий князь Ярослав с бра-тиею своею и своими сыновцы покы поиде в Татары к Батыю царю.

И того ради Богом подражательный самодержец храбрый душею и телом великий князь Ярослав второе прииде во Орду к беззаконному царю Батыю с ним же и братия его и сыновцы. Пришед же не устыдеся царския его темные власти, ни ужасеся бесстудные его ярости, добре подвизаяся о истинно глаголати за люди Божия земли, обличая поганых безумное веление. Его же ради Батый посла его к кановичем. И тамо инем образом инеми завистными винами оклеветан бысть от некоего Феодора Яруновича, тако именуема, и сице, его же не начаяшеся страдати, и сия доблествено со благодарением претерпе от безбожных татар, и многу истому восприят за всю братию свою, и за множество христоименитого достояния, иже в Рустей земли. И таковым своим страданием доблий подвижник сотвори многу и благу пользу и велику помощь и ослабу християнству от тягости и от злого насильства татарского.

В лето 6754 (1246). Тое же осени преставися князь великий Ярослав, сын Всеволода, в Татарах, на пути идучи от канович септемвриа 30 день.

Князь великий Ярослав тогда бе у Канович, обижен Феодором Руновичем, и много пострада от безбожных Татар за землю Русскую, и много истомление подъят, и отпустиша его уже изнемогша, и пошед от Канович, преставися нужною смертью в иноплеменницех, месяца септебря в 30 день, на память святого великого Григория Великиа Армениа.

«Что убо сего больши» ~ яко же Святое Писание глаголет, «еже положити душу свою за други своя?» И тако сии приснопамятный великий князь Ярослав в дальней земли, в Канове Орде положи душу свою за святые домы церковные и за веру християнскую и за все люди земли Русския. И сего ради причте его Бог ко избранному своему стаду проведных селения.

В лето 6755 (1247). Слыша князь великий Александр Ярославич отца своего смерть, прииде из Нова-города в Володимер. Того же лета седе на великое княжение Святослав Всеволодович.

Русские летописи.